На 7.9.2018г.15 ученици од 8 одд. учествуваа на тактичко- показната вежба организирана од СВР Куманово, како дел од проектот Безбедни училишта. На вежбата учествуваа Пожарна Куманово, Црвен крст, СВР Куманово и Медицинскиот центар. Вежбата за справување во кризни ситуации, беше корисна за учениците.
Започна со работа училишното радио ,,Радио Рацин”! Учениците и наставниците, заеднички, со голем ентузијазам го рестартираа озвучувањето кое беше надвор од употреба петнаесетина години. ,,Радио Рацин” ќе биде управувано од учениците, членови на новинарската секција раководена од наставникот по македонски јазик Маја Стојановска. Со рестартирање на радиото ќе се подобри информираноста и забавниот живот исполнет со квалитетна музика и корисни информации во воспитно-образовниот процес!
Среќа и задоволство е да Ве информираме дека следните две учебни години 2018/19 г. и 2019/20 г. ќе соработуваме со 10 училишта на два Еразмус + проекти. Првиот проектот се нарекува GOAL (Games of a Lifetime) – Учење преку игри. Носител е училиште од Франција, а ќе се соработува со училишта од Португалија, Шпанија, Италија (Сицилија) и Романија.
Вториот проект се нарекува ESCEI (European Scholar Congress on Environmental Issues) – Европски научен конгрес за екологија и животна средина. Носител е училиште од Шпанија, а ќе се соработува со училишта од Италија (Сицилија), Романија, Полска и Хрватска.
Нашите ученици и тимовите на наставници ќе имаат уникатна можност за размена на искуства, стекнување нови вештини и знаења, проширување и продлабочување на знаења и компетенции преку соработка со ученици и наставници од 10-те училишта. Чест ни е што два пати ќе бидеме домаќини на наставници и ученици од сите партнер училишта и ќе ги промовираме сите квалитети на нашето Училиште, а воедно и општина Куманово во меѓународни рамки.
Со среќа на кооринаторот Анита Димовска и на тимовите од наставници и ученици!
„Избери го вистинскиот спорт“- прекрасен спортски настан за ученици од второ одделение организиран од Агенција за млади и спорт, а поддржана од Општина Куманово, Сојуз на спорстките федарации на Македонија и Факултет за физичко образование, спорт и здравје. Пред учениците со мотивирачки говор се обрати Градоначалникот Максим Димитриевски, а физичките активности беа водени од страна на професори и студенти од Факултетот. Како награда, нашите најмали спортисти добија донација од спортска опрема!
Потпишан Меморандум за соработка меѓу училиштето ,,Кочо Рацин” Куманово, од страна на директорката Лидија Пешевска и Фондација за образовни и културни иницијативи ,,Чекор по чекор”- Македонија. Со овој меморандум ќе се овозможи ефикасна соработка меѓу Училиштето и Фондацијата со цел спроведување на проектот ,,Инклузивни партнерства во заедниците”, финансиран од Европската Комисија преку Европскиот инструмент за демократија и човекови права (ЕИДХР).
