На свеченост во Кинотека на Македонија, нашата ученичка Тамара Илиевска од 8-3 одд. под менторството на Далибор Јовановски, за својата уметничка творба ја прими дипломата за 1 место. Меѓународна изложба ,,13 Ноември” е организирана од град Скопје. Браво за нашата ученичка која го освои престижното 1 место на меѓународен натпреварот!
Во рамките на проектот на Фудбалската федерација на Македонија – “ФУДБАЛ ВО УЧИЛИШТЕ – фудбал сега, фудбал насекаде“, а во соработка со Федерацијата на училишен спорт на Македонија на 14.11.2018 год.(среда) на спортските терени при ООУ “Кочо Рацин“ во Куманово, се реализираа натпреварите од шестото коло помеѓу учениците од второ, трето, четврто и петто одделение. Победници за второ и трето одделение е екипата на “Умни глави“ водени од одделенскиот наставник Оливера Шутевска. Додека пак за четврто и петто одделение победник е екипата на “Цареви“ водени од одделенската наставничка, Наташа Павловска. Организатор на натпреварите е училишниот координатор, наставникот по ФЗО, Грозде Спасовски.
На 18.11.2018г. во просториите на ресторант „Парк“, 10 ученици од V одд. под координација на Ирена Анастасовска, а придружувани од своите наставници и родители учествуваа во „Етно вешта жена и вешто дете 2018“. Учениците декорираа мафини наменети за продажба, а собраните средства на аукција беа наменети за деца со ПОП. Напишаа и писма за деца од друг град, по случаен избор на деца од Велес, со кои ќе се сретнат на еднодневната екскурзија во Дојран, планирана за во пролет и организирана од истата организација. Оваа манифестација се одржува во повеќе градови низ Македонија со една иста цел- да се истакнат талентирани и креативни деца и за миг да се оттргнат од нивните компјутери и мобилни телефони.
Прекрасна завршна манифестација по повод Месецот на книгата се одржа денеска во просториите на Занаетчискиот дом. Музика, сликарство, драматизација, изложба, средба со познати писатели и поети и на крај признанија за најдобрите. Таблет, дипломи, книги се заслужени подароци за Бисера Ќурчинска од библиотеката ,,Тане Георгиевски” која на општинскиот натпревар ,,Млади библиотекари” го освои 1 места, а на државниот натпревар 4 место. Браво за организаторите кои го ценат детскиот труд!
„Дарувај живот“ беше слоганот на крводарителската акција која денеска се реализираше во нашето училиште. Акцијата беше организирана од Советот на родители во соработка со Училиштето, „Ротари клуб Куманово“ и Централна Кооперативна Банка. Беа донирани триесетина крвни единици и акцијата беше прогласена за успешна.
По повод крводарителската акција од страна на Училиштето и Совет на родители беше организиран литеретурен и ликовен конурс „Капка за живот“, поддржан од „Ротари клуб Куманово“ и Централна Кооперативна банка. Со тајно гласање од страна на ученичката заедница, наставниците, родителите, посетителите и организаторите беа доделени прекрасни награди и тоа за :
литерарурен конкурс:
1 место Лазар Цветковски 3-1 одд.
2 место Илина Арсовска 5-4 одд.
3 место Давид Ивановски 7-2 одд.
ликовен конкурс
1 место Сара Стефановска 6-3 одд.
2 место Симона Додевска 7-2 одд.
3 место Марија Арсиќ 7-2 одд.
Пред учениците од страна на волонтери од Црвен крст беше реализирана показна вежба за давање на прва помош при разни видови на повреди.
