All posts by kocoracin

По повод Денот на дрвото 2016г., еко одборот од секоја паралека беше присутен во Училиштето. И покрај студеното и ветровито време, голем дел од учениците беа донеле и свои садници од дома. Училиштето, помогнато од локалната заедница набави и мали садници од чемперси. Целиот колектив, техничкиот персонал и учениците беа присутни на садењето, но и заштитата на малите и нежни садници. Сите беа добро засадени и покриени со пластични флаши кои ќе ги штитат од студот и мразот и од физичко оштетување. Доколку садниците се прифатат, испланирани се места за нивно пресадување.

Комисијата за прослава на Денот на Училиштето, оваа година предвиде неколку активности кои ќе се одвиват во текот на целата недела и секако започна со организација на Чист понедлник. Оваа активност се состоеше во чистење на дворот од отпад. Сите ученици од прва и втора смена, по големиот одмор во пластични вреќи го собираа отпадокот од нивната ужина, а беа расположени да ги соберат и отпадоците во секое делче на училишниот двор.Најмногу отпадок беше забележан и селектиран околу спортската сала и игралиштето. Врените раце на нашите ученици го собраа отпадокот и го селектираа во контејнерите наменети за хартија, пластика и друг вид на отпадок.

Изработка на конструкцијата за поставување табла и обрач на спортското игралиште во подрачното училиште започна во септември 2016 година.Учество во изработката зедоа наставниците и техничкиот персонал во училиштето. Првин беше изварена конструкција која служи за поставување на табла и обрач. Како материјал  за изработка на истата беше употребено железо и боја. На конструкцијата се намести табла со обрач кои истотака беа заштитени со префарбување од наставниците и хигиеничарите во училиштето.
Кош конструкцијата беше пуштена во употреба на 25 октомври 2016. Кошот ќе се користи во настава по физичко и здравствено образование како и за рекреација на населението.
Одговорни наставници за проектот се Марјан Нојковски и Јосип Анастасовски.

Литературно читање по повод Денот на училиштето

На 24.11.2015г. во просториите на училишната медијатека се спроведе заедничко литературно читање меѓу учениците од училиштата ООУ,,Кочо Рацин” и партнер училиштето ООУ ,,Наим Фрашери” Заедничкото литературно читање беше резултат на литературниот и ликовниот конурс распишан од училишната библиотека Фиданка  во двете училишта на мајчин јазик. Творбите беа преведени на двата јазика од професионалниот преведувач Волоња Буњаку и творбите се читаа  наизменично на двата јазика од претходно направени мешани тимовите.

На свеченоста како декор беше искористена поставка-книга направена од секцијата Млади библиотекари врз база на истражување за заедничките лектирни наслови кои беа напишани на двата јазика. Како декор послужија и плакатите претходно изработени во заедничка работилница од истакнатите учесници на конкурсот и ивните дела. На свеченоста учестуваа сите истакнати ученици од двете училишта,нивните родители, ментори и голем број љубители на пишаниот збор од двете училишта. Откако беа прочитани творбите на двата јазика и нивните преводи/препеви, учениците и нивните ментои беа наградени со пригоден подарок (пенкало со натпис од конкурсот на двата јазика) и диплома. Поетското читање помина во опуштена и убава атмосфера и сите присутни уживаа во уметничките и литературните дела на учениците од двете партнер училишта. Одговорен наставник Ивана Ѓорѓиевска.