Светски ден на лица со даунов синдром
По повод 21 март-Светски ден на лица со Даунов синдром, во дневниот центар не посетија нашите пријатели од О.У. “Кочо Рацин”.
Ани, Роси и Михаил им пренесоа поздрави и ни покажаа како во нивното училиште, на интересен начин го одбележуваат шаренилото на пролетта и шаренилото на овој ден.
КУД,,Панче Пешев”
Културно-уметничкото друштво,,Панче Пешев” со прекрасна презентација го претстави своето постоење и дејствување пред многубројната публика. Учениците од 4-9 одделение беа запознаени со долгата традиција на друштвото. Покана до сите кои сакаат да членуваат во најстарото фолклорно друштво им упати претседателот! Традицијата треба у мора да продолжи!
Велосипедизмот и спортскиот дух
,,Велосипедизмот и спортскиот дух- здрави животни навики во современото живеење” е проект кој заживеа во нашето училиште, по потпишаниот меморандум за соработка со планински велосипедски клуб ,,Оксижен”
Денеска, 11.02.2019г. пред учениците од VI одд. се одржаа едукативни и интерактивни предавања за спортски активности ( велосипедизам) и охрабрување на младите да бидат што повеќе физички активни. Оваа активност е прва од планираните активности од проектот, кој го сметаме за исклучително значаен за здравјето и развојот на нашите ученици!
Е-твининг платформа
На покана на директорката Лидија Пешевска, советничка од БРО, Сања Димитријевиќ во нашето училиште ја организираше обуката за е-Твининг платформа. Предавач на обуката беше Габриела Стојановска, амбасадор на е-Твининг платформа кој ги упати наставниците за предноста која ги нуди оваа платформа при повржување и споделување на искуства со наставници и ученици од други држави. Оваа платформа е една од многуте кои се користат во ЕРАЗМУС+ проекти и овозможува полесно пронаоѓање на проектни партнери. Голема благодарност до спроведувачите на обуката!