Archives January 2019

АЈДЕ ДА РЕЦИКЛИРАМЕ!

Со цел непречена реализација на проектот,,Со талент до успех”, учениците од деветто одделение се потрудија да реализираат акција за собирање на стара хартија. Акцијата траеше од 29.10.2018 г. до 14.11.2018 г.
Со донирање на стара хартија им дадовме поддршка на нашите ученици за остварување на замислениот проект, а истовремено ја заштитивме природата и нашата околина!
Учениците и наставниците собраа 690 кг. стара хартија. Сите учествуваа, некои собирааа, некои носеа, други товареа. Најважно е дека целта е остварена- почиста животна околина, заштита на дрвјата и соберени средства за проектот ,,Од талент до успех”. Браво за иницијаторите од 9 одд. и за сите учесници!

,,Кирил и Методиј” од Ќустендил

Прекрасна посета од збратименото училиште ,,Кирил и Методиј” од Ќустендил! По потпишаниот меморандум за соработка со најголемото и најстарото училиште од Ќустендил во мај 2018г., денеска нашите нови пријатели го посетија нашето училиште. И двете училишта се спремни да разменат позитивни искуства во воспитно-образовниот процес и се надеваат на заеднички проекти!

Народен вез

На 1.11.2018г. во училиштето во с.Драгоманце се реализира ликовна колонија на тема ,,Мојот град” организирана од ,Здружение за грижа и воспитување на деца”. Ученичките Бисера Ќурчинска и Евгенија Петрушевска, под менторството на Далибор Јовановски беа дел од една прекрасна дружба!

Евгенија Петрушевска, Бисера Ќурчинска и ликовниот педагог Далибор Јовановски беа повторно наградени! „Здружение за грижа и воспитување на деца-Куманово“ има ја додели третата награда за уметничкото дело изработено на ликовната колонија на тема Народен вез.

Друштвото на писатели на Куманово

На 30.10.2018г. во Центарот за култура ,,Трајко Прокопиев” се одржа музичко-поетска вечер ,,Вечер со наградените ученици” организирана од Друштвото на писатели на Куманово. Наградените Лазар Цветковски III-1 одд. (ментор Марија Милановска) и Теодора Драгановска IX-2 одд.(ментор Весна Тодоровска) се претставија со своите лични творби. Честитки за нашите поети!

,,Мојот град”

Неколку ученици од предметна и одделенска настава во Центарот за култура ,,Трајко Прокопиев”, учествуваа на ликовна работилница ,,Насликај го својот град”, организирана по повод Ден на градот. Учениците, заедно со нивните другарчиња од целиот град, го покажаа својот ликовен талент!

Прекрасен, забавен и уникатен начин да се прослави успехот на дечињата од целиот град кои учествуваа во литературниот конкурс ,,Мојот град” организиран од Центар за култура. ,,Трајко Прокопиев”. Убавата прошетка со автобус низ градот до Аџитепе, од нашето училиште ја заслужи Вељко Тричковиќ од 2-4 одд. (ментор Галаба Давчевска) кој ја освои втора награда и Мила Спасевска од 4-3 одд. (ментор Надица Димитриевска)која ја освои третата награда. Учениците добија дипломи, енциклопедии, но најзабавно беше влегувањето во авиончињата и онаа што слушнаа и доживеаја на Аџитепе. Браво за иновативноста на организаторите и браво за нашите мали, а сепак големи таленти!