Петнаесетина дечиња од подрачните училишта од с.Градиште и с.Кучкарево денеска беа пресреќни.Претставниците на „Лајонс клуб“ направија хуман гест и им подарија училишни ранци и нов училишен прибор. Учениците им возвратија со насмевки, воодушевеност, а изрецитираа и по некоја песничка. Браво за донацијата и голем позрдав на хуманиот гест на „Лајонс клуб“
Во присуство на претставници од Фондација Отворено општество Македонија, МОБИЛНОСТ Куманово, Совет на општина Куманово, Сектор за образование, бизнис заедницата и медиуми, денес во училиштето официјално беа отворени пристапни рампи и тоалети за лица со телесен инвалидитет. Проектот беше реализиран со МОБИЛНОСТ Куманово, а финасиски беше поддржан од ФООМ. Со помош на донациите од бизнис заедницата беше направен уште еден тоалет и беше преадаптирана пристапната рампа во училиштето. Голема благодарност на сите донатори кои покажаа голема свест за лицата со телесен инвалидитет!
Во организација на ,,ПАКОМАК’’ Македонија на 18 и 19 септемви во холот на училиштето се реализира бесплатно магионичарско шоу ,,Хокус – покус рециклирањето е во фокус’’ за учениците од 1 до 5 одделение. Преку музика, интерактивни магионичарски трикови , главната цел на екомагионичарот Кристиан Шопов беше учениците да научат како да ја практикуваат 3Р-програмата, односно РЕЦИКЛИРАЊЕ, РЕУПОТРЕБА и РЕДУЦИРАЊЕ. Со многу смеа, надвикување, но и со корисна интерактивна игра беше проследен настанот од страна на учениците! Оддлична едукативна манифестација- БРАВО за „ПАКОМАК“ и за нашите умни ученици!
Љубопитни очиња, разиграни срциња, весели ножиња- такви беа нашите нови првачиња! Директорката Лидија Пешевска, градоначалникот Максим Димитриевски и стручната служба на Училиштето ги поздравија и им посакаа добредојде и надеж дека од Училиштето ќе излезат како млади луѓе спремни за животот. Нивните постари другарчиња од III, IV, V одд. ги дочекаа со игра и песна. Училиштето за првачињата подготви мали подароци за успешен почеток на учебната година и на нивното деветгодишно образование. Убав почеток на уште една учебна година! Директорката на Училиштето и вработените им посакуваат среќен и успешен почеток на учебната 2018/19 г. на СИТЕ УЧЕНИЦИ! На 4 септември 2018г. учебната година во ООУ„Кочо Рацин“ започна за 1300 ученици.
