Велигденска работилница со „Порака наша“
На 02.04.2018г. учененичката заедница од 5 одд., координирана од педагогот Сашка Стаменковска и учителките од V одд., реализираа велигденска работилница со пријателите од „Порака наша“. Заедно, во тимови изработија прекрасни декорации кои ќе бидат продавани на Велигденскиот базар! Благодариме „Порака наша“!
Ликовна интерактивна работилница „Сите сме дел од нашата сложувалка“
На 29.03.2018г. беше одржана интерактивна ликовна работилница под име „Сите сме дел од нашата сложувалка“, како дел од проектот „Сложувалка“, кој се реализира во училиштето заедно со Меѓуопштинско здружение на лица со телесен инвалидитет „МОБИЛНОСТ Куманово“. Проектот е финансиран од Фондација Отворено општество Македонија. На работилницата учествуваа 22 ученици од 8 и 9 одд., 7 членови од Здружението, придружувани од нивните родители, како и претставниците од самото Здржение. Работилницата се состоешеше од забавни игри за запознавање, творење, цртање, боење… Како краен продукт на работилницата беше изработено уметничко платно, беше закитено дрвото на пријателството со прекрасни пораки и најважното- се здобивме со нови пријатели, не поинакви од нас, туку напротив многу слични со нас, но со малку поинакви потреби! Работилницата беше координирана од страна на: Далибор Јовановски, Анита Димовска, Ивана Ѓорѓиевска и Росица Трајковска.
ПРИСТАПНОСТ = РАМНПРАВНОСТ
На 29.03.2017г. во холот на училиштето се одржа предавање на тема ПРИСТАПНОСТ = РАМНПРАВНОСТ. Предавач беше претседателот на МОБИЛНОСТ -МАКЕДОНИЈА, Бранимир Јовановски, а на предавањето беа присутни членови на училишната заедница, гости-членови од МОБИЛНОСТ-Македонија и од МОБИЛНОСТ-Куманово. Оваа предавање беше дел од акцискиот план на училишната заедница, а и дел од активности предвидени во проектот „Сложувалка“. Предавањето беше прилагодено за деца од училишна возраст, а предавачот ги воодушеви сите присутни со својата презентација, со својата елоквентност и пластичност во давањето на лични примери, како и примери за успеси и препреки со кои се среќаваат инвалидизиран лица во државата и светот.
Голема благодарност на г-н Бранимир Јовановски, кој со своето предавање не едуцира и ни ги прошири видиците на сите присутни, а со тоа во најмала мера придоесе за еден похуман и подобар свет за сите нас! Овој проект е финасиран од Фондација Отворено општество Македонија.
Најспортско училиште
Општината го прогласи нашето училиште за најспортско училиште за 2017г.
2017 г. ќе биде запаметена по спортските успеси на училиштето-ЗЛАТО ВО КОШАРКА, СРЕБРО ВО РАКОМЕТ!
Успех, по успех-сите бевме ГОРДИ!
Го заслуживме прекарот НАЈДОБРИ ЗА 2017г. благодарение на нашите спортисти и нивните ментори!
Историјата и оваа година се повторува СРЕБРО ВО КОШАРКА; СРЕБРО ВО РАКОМЕТ!
