Archives April 2018

На 29.03.2017г. во холот на училиштето се одржа предавање на тема ПРИСТАПНОСТ = РАМНПРАВНОСТ. Предавач беше претседателот на МОБИЛНОСТ -МАКЕДОНИЈА, Бранимир Јовановски, а на предавањето беа присутни членови на училишната заедница, гости-членови од МОБИЛНОСТ-Македонија и од МОБИЛНОСТ-Куманово. Оваа предавање беше дел од акцискиот план на училишната заедница, а и дел од активности предвидени во проектот „Сложувалка“. Предавањето беше прилагодено за деца од училишна возраст, а предавачот ги воодушеви сите присутни со својата презентација, со својата елоквентност и пластичност во давањето на лични примери, како и примери за успеси и препреки со кои се среќаваат инвалидизиран лица во државата и светот.
Голема благодарност на г-н Бранимир Јовановски, кој со своето предавање не едуцира и ни ги прошири видиците на сите присутни, а со тоа во најмала мера придоесе за еден похуман и подобар свет за сите нас! Овој проект е финасиран од Фондација Отворено општество Македонија.

Општината го прогласи нашето училиште за најспортско училиште за 2017г.

2017 г. ќе биде запаметена по спортските успеси на училиштето-ЗЛАТО ВО КОШАРКА, СРЕБРО ВО РАКОМЕТ!
Успех, по успех-сите бевме ГОРДИ!
Го заслуживме прекарот НАЈДОБРИ ЗА 2017г. благодарение на нашите спортисти и нивните ментори!
Историјата и оваа година се повторува СРЕБРО ВО КОШАРКА; СРЕБРО ВО РАКОМЕТ!

Учениците од нашето училиште на 28.03.2018г. гостуваа во МТВ, во емисијата „Голем одмор“. Во една опуштена атмосфера, достоинствено го претставија нашето училиште! Браво за сите!

22.03.2018 г, во холот на училиштето беа доделени пофалници на ученици кои учествуваа на конкурсот за лого на проектот„Сложувалка“, кој се реализира во соработка со МОБИЛНОСТ-Куманово, а е финансиран од Фондација Отворено општество-Македонија . Во пријатна атмосфера, во присуство на родители, ученци и наставници, учениците ги примија пофалниците и ја погледнаа изложбата. Мотивирани ученици, задоволни наставници- тоа е нашата цел!

По повод Светскиот ден на Дауновиот синдром, денеска на 21.03.2018г. од 11:30 до 12:30 часот на градскиот плоштад, волонтерите од нашето училиште заедно со дефектологот Росица Трајковска и наставникот Анита Димовска, пружија повторно поддршка и помош на нашите пријатели од „Порака наша“
Со заинтересираните сограѓани, се фотографираа со Мики и Даце со шарени чорапчиња, шарени нокти, шарени чадорчиња и направија шарени фотографии кои означуваат дека само свет на различности може да биде толку шарен и убав. Волонтерите од нашето училиште и овој пат покажаа дека ги прифаќаат овие лице од глава до петици, без предрасуди и без бариери.
Меѓународниот ден на лица со Даунов синдром е востановен во 2006 г., а датумот не е случајно избран, 21-от ден од 3-от месец во годинава е симболично избран за да ја означи трипликацијата на 21-от хромозом кој предизвикува Даунов синдром.