Archives 2017

Претставниците на ОКТА во рамки на проектот „Јас внимавам“ реализиран во соработка со МВР, на 28.09.2017г. го посетија нашето училиште и донираа сообраќаен полигон. На оваа едукативна работилница беше присутен и градоначалникот Зоран Дамјановски и претставниците од Општината како и медиумите. Учениците од прво и второ одделение соработува, одговараа и покажаа дека ги разбираат сообраќајните правила и прописи наменети за пешааците и за велосипедистите. Сообраќајниот полигон ќе биде ефективно искористен во образовниот и воспитниот процес на учениците. Голема благодарност на ОКТА!

Прoектoт ,,Едно сонце за сите” на ООУ “Кочо Рацин” Куманово со пaртнерите “Порака Наша” и “Национален ромски центар” денескa, на 27.09.2017г.пред другите учесници беше претстaвен oд стрaнa нa кooрдинaтoрите: нaстaвникoт Анитa Димoвскa и ученичкaтa Дени Нaкoвскa на Академија на централно-европски училишта *ACES – act local* вo Слoвaчкa! Брaвo зa нaшите претстaвници!

ПОУ „Кочо  Рацин“с.Габреш

Темелите на оваа училиште се поставени во 1960 год. кога е пуштено во употреба под име ОУ „Јане Сандански“. Низ него поминале многу  ученички генерации. Во 1988 год. станало ПОУ„Св.Кирил и Методиј“ с.Габреш, а во  2004 год. станува ПОУ„ Кочо Рацин“ Куманово. Оддалеченоста на ООУ„Кочо Рацин“ Куманово до  ПОУ с.Габреш е околу 25км.

Во дамнешно време  Училиштето броело голем број ученици, но поради иселување на луѓето  за подобра егзистенција,  бројот на ученици се намалувал.

Денешното училиште  во с.Габреш брои 3 ученика и тоа по еден во 2,4 и 5 одд. Во училиштето е вработен еден одделенски наставник, професор по англиски јазик, по природни науки и техничко образование во 5 одд. За хигиена е задолжен хигиеничар.

Настава се изведува  само во претпладневна смена. Училиштето располага со 2 училници.Настава се изведува во помала училница, а поголемата не е во функција.

Во понатамошен период  се надеваме на реновирање на училишна зграда, оградување на училишен двор и ставање во употреба уште една училница (канцеларија за наставници).

На големо задоволство на нашите ученици-деветтоодделенци, децата од Национален Ромски Центар и штитениците на „Порака Наша“ со почеток на учебната 2017/18 г., продолжи и реализација на проектот „Едно сонце за сите“.   На 22.09.2017г. шеесетина учесници, од трите партнер институции, уште во раните утрински часови организирано ја посетија Спомен куќа на Мајка Тереза. Кустосот на Музејот во детаљи раскажа за испосничкиот и пожртвуванот живот и многубројните дела која ги направила оваа голема хуманитарка. Раскажа за потеклото, за семејството, куќата,за нејзината посветеноста во лекувањето на смртно болните и помош на сиромашните. Посетителите разбраа за величината на делото на оваа голема хуманитарка која единствена од нашата земја ја има добиено Нобеловата награда за мир, а неодмна од Католичката црква е прогласена за светица. Задоволни од посетата, сите заедно го прошетавме плоштадот во Скопје, учениците уживаа во фотосесијата, дружењето и разгледувањето на спомениците. Сите заедно се вративме во нашето училиште и во мешани групи беа направени прекрасни хамери инспирирани од животот и делото на Мајка Тереза! Прекрасно поминат ден со нашите партнери, дружбата со нив е незаменлива и секогаш е поинаква и поинтересна!

Љубопитни очиња, разиграни срциња, весели ножиња- такви беа нашите нови првачиња!
Нивните постари другарчиња ги дочекаа со игра и песна, директорката Лидија Пешевска ги поздрави и им посака добредојде и надеж дека од Училиштето ќе излезат како млади луѓе спремни за животот, психологот Кети Б. Доцевска ги посоветува и учениците, но и родителите, а учителките ги примија во нивните прегратки и во царството на училницата! Им подготвија мали подароци за успешен почеток, ги примија во подготвените училници, се запознава и им дадоа корисни упатства на родителите!
Убав почеток на уште една учебна година!
Директорката на Училиштето и вработените им посакуваат среќен и успешен почеток на учебната 2017/18 г. на СИТЕ УЧЕНИЦИ!

На последниот училишен ден, директорката Лидија Пешевска во холот на училиштето ги додели дипломите и пофалниците на ученик на генерација Сара Конин и на учениците со континуирано оддличен успех. Континуирано оддлични ученици се:

Никола Младеновски,
Матеј Арсовски,
Ива Илиевска,
Ангела Јакимовска,
Ена Ланг Ангеловска,
Васил Стојановиќ,
Оливија Трајковска,
Калиопи Николова,
Вероника Димитриевска,
Марио Златановски,
Сара Конин,
Ива Петковиќ,
Ева Трајковска и
Александар Ѓорѓиевски

Пофалници за најуспешните ученици и наставници на регионални и државни натпревари од одделенска настава.

Пофалници за најуспешните ученици и наставници на регионални, државни и меѓународни натпревари од предметна настава.

Пофалница за наставникот Анита Димовска за потикнување на креативност, иновативност и хуманост кај учениците!

Нa 31.05.2017г. вo училишниoт хoл се oдржa прекраснa музичкa манифестација пoд мoтoтo ,,Музикaтa не пoзнaвa грaници”, кaкo дел oд прoектoт „Еднo сoнце зa сите”. Прoектoт се реaлизирa вo сoрaбoткa сo ,,Пoрaкa нaшa” и Нaциoнaлниoт Рoмски Центaр, a носител е нaшетo училиште кoе е стaнa дел oд мрежaтa нa Центрaлни Еврoпски Училиштa. Кooрдинaтoр нa прoектoр е нaстaвникoт пo aнглиски јaзик Анитa Димовска. Учениците oд нaшетo училиште, зaеднo сo штитениците oд „Порaкa нaшa” и децaтa oд НРЦ, пред oкoлу 250 гoсти, рoдители, претставници oд лoкaлнaтa зaедницa, се претстaвијa сo двaесетинa песни испеaни нa македонски, aлбaнски, рoмски, српски, турски, шпански и aнглиски јaзик. Веселaтa атмосфера јa пoнесе публикатa и уште еднаш се дoкaжa декa музикaтa не пoзнaвa грaници! Со голем ентузијазам и посветеност работевме за прекрасен почеток на проектот „Едно сонце за сите“. Но без нашите пријатели од „Порака наша“ и од НРЦ, без нашите надарени ученици и поддршката која ја добивме од Директорката и родителите, оваа музичка манифестација немаше да биде толку величенствена!