Посетa на Планетариум и Природонаучен музеј во Скопје
На 03.11.2017 г. учениците од 6 одд. заедно со своите класни раководители ги посетија Планетариумот и Природонаучниот музеј во Скопје. Оваа активност е дел од проектот „Заедничка грижа за правилно насочување на учениците„. Учениците во Природонаучниот музеј беа запознаени со животинскиот свет и ендемичните видови кои постојат во нашата земја , а се изложени во најстариот музеј на Македонија кој е отворен во далечната 1963 год. Учениците беа љубопитни и поставуваа интересни и практични прашања на кустосот. Во Планетарумот, учениците на визуелен начин се запознаа со звездите, созвездијата, планетите и небесниот свод. Прекрасна и корисна прошетка, со прекрасни ученици!
,,Филигрaн и тијaрa”
На 03.10.2017г. десетина ученици од ликовната секција „Ван Гог“, заедно со наставникот по ликовно образование Далибор Јовановски и педагогот Ана Маниќ, беа учесници на работилницата организирана по повод кампањата на Национален ромски центар-„Доста! Надмини ги предрасудите, запознај ги Ромите!“ во „Грација“. На работилницата, втора по ред, нашите ученици го покажаа својот талент, односно слоганите, пораките и мотивите кои ги смислија на првата работилница за предрасудите, стереотипите и дискриминацијата, сега ги нацртаа и ги избоија на маиците кои им беа дадени. Во исчекување сме на изложбата на нашите дела!
Посета на Музеј на македонска борба и Спомен куќа на Мајка Тереза
Во рамки на проектот „Заедничка грижа за правилно насочување на учениците“, на 27.10.2017 г. беше реализирана посета на Музеј на македонска борба и Спомен куќа на Мајка Тереза со ученици од VII одд. и нивните класни раководители. Учениците прво го посетија Музејот на македонска борба каде од страна на кустосите во детаљи им беше презентирана борбата на македонскиот народ за самостаојна и слободна држава. Во Спомен куќа на Мајка Тереза учениците беа запознаени со животот и делото на нобеловката Мајка Тереза, како и за сегашните активности кои се преземаат од страна на нејзиниот ред, односно нејзините следбеници. Учениците ги посетија спомениците во центарот на Скопје и беа презадоволни од прошетката.
Втора награда за нашите поети
На 27.10.2017г. во Домот на културата „Трајко Прокопиев“ под оганизација на Друштво на писатели на Куманово, беше огранизирана манифестација по повод распишаниот конкурс „Разиграните бои на есента“. Од нашето Училиште на конкурсот учествуваа повеќе ученици, но како најдобри беа наградени:
Мила Цветановска 5-3 одд.-2 награда (ментор Биљана Ивановска) и
Јаков Крстевски 6-1 одд.-2 награда (ментор Маја Стојановска)
Учениците ги примија наградите во присуство на нивните наставници и голем број друграчиња.
Уживајте во прекрасните стихови…
Разиграните бои на есента
Разиграната есен дојде
Во жолто сè пројде
Лисјето од дрво паѓа
Есенско утро полека се раѓа.
Сонцето зад облаци се крие
Ластовичката некаде се мие,
Облаци од секаде идат
Есенското уто да го видат.
Есенска убавина се нуди
Живописност од секаде се буди,
Времето брзо лета
Сега помалку се шета.
На убавините им нема крај
Ова е есенски рај,
Корпите со плодови се полни
Секој гледа да се засолни.
Детска игра уште се ткае
Исто како Мај да е,
За есента сите пееме
И весело се смееме.
Мила Цветановска V-3 одд.
ООУ„Кочо Рацин“ Куманово
Ментор: Биљана Ивановска
Разиграните бои на есента
Есен ли си,есен мила
Ти раскошна самовила
Врз шумите што сонце кријат
А во градите дамар златен бијат.
Есен ли си, есен мила
Ил јаболка црвена
Во рацете мои тајна
И желба единствена.
Есен ли си, есен мила
Синевина што в очи точиш
Додека на птицата весела
Под крилото насмеана молчиш.
Есен ли си ти моја мила
Што со лисја си се скрила
И во крошните вишни
Виножито си свила.
Есен си знам ете,
Насекаде се твоите бои
Разиграни ги милуваат
и соновите мои.
Јаков Крстевски 6-1
ООУ„Кочо Рацин“Куманово
Ментор: Маја Стојановска
Работилница за I одд.
Во просториите на училишната медијатека на 26.10.2017г.се одржа работилница за родители на ученици од I одд. на тема Родителство. Работилницата ја осмислија и реализираа психолозите Кети Б. Доцевска и Владица Наковска. На работилницата беа присутни 20 родители кои беа запознаени со стилови на воспитување на децата. Работилницата ќе се реализира и со останатите родители на нашите првачиња.