Детска недела
Цела недела течат активности предвидени по повод Детската недела. Го посетивме Градоначалникот, цртавме на паркингот, рецитиравме, пеевме и драматизиравме за нашите помали другарчиња и ги примивме во Детската организација во ПОУ с.Добрашане и с.Биљановце, бевме на промоција на „Детски лирски треперења“ и ја збогативме манифестацијата со наши творби… Секаде сме присутни, оваа недела е само за нас и така и ќе ја обележиме!Во присуство на родители, роднини, помали другарчиња од градинката „Ангел Шајче“ и постари другарчиња кои играа и пееја за нив,на 06.10.2017г. првачињата ја дадоа свечената заклетва и влегоа во Детската организација. Се закитија со беџевите, во рачиња цврсто ги држеа пасошите и громогласно ја повторуваа заклетвата изговорена од Директорката.
Убав, свечен ден во нашето Училиште!
Првачиња добредојдовте во Детската организација!
Донација на сообраќаен полигон од „ОКТА“
Претставниците на ОКТА во рамки на проектот „Јас внимавам“ реализиран во соработка со МВР, на 28.09.2017г. го посетија нашето училиште и донираа сообраќаен полигон. На оваа едукативна работилница беше присутен и градоначалникот Зоран Дамјановски и претставниците од Општината како и медиумите. Учениците од прво и второ одделение соработува, одговараа и покажаа дека ги разбираат сообраќајните правила и прописи наменети за пешааците и за велосипедистите. Сообраќајниот полигон ќе биде ефективно искористен во образовниот и воспитниот процес на учениците. Голема благодарност на ОКТА!
Промоција на проектот „Едно сонце за сите“ во Словачка
Прoектoт ,,Едно сонце за сите” на ООУ “Кочо Рацин” Куманово со пaртнерите “Порака Наша” и “Национален ромски центар” денескa, на 27.09.2017г.пред другите учесници беше претстaвен oд стрaнa нa кooрдинaтoрите: нaстaвникoт Анитa Димoвскa и ученичкaтa Дени Нaкoвскa на Академија на централно-европски училишта *ACES – act local* вo Слoвaчкa! Брaвo зa нaшите претстaвници!