Archives February 2017

Сите ученици и вработените во нашето училиште се вклучија во акцијата „Едно капаче-една надеж“. Оваа акција се спроведува во целата Држава, а нашето училиште се вклучи со почетокот на второ полугодие. Наша цел е да собереме доволно капачиња за да може да добиеме инвалидска количка која ќе ја подариме на штитениците од „Порака наша“. Секоја паралелка организирано собра голем број капачиња кои се ставени во жардињери од гуми на сите влезни врата. Учениците имаат задача и понатаму да ги собираат капачињата од своите домови,а  оние кои ги купуваат за време на големите одмори да ги селектираат и да ги ставаат во жардињерите. Оваа акција кај учениците ја разбуди и еколошката и хуманитарната свест. Акцијата продолжува се додека не се соберат доволно килограми, кои ќе им помогнат на инвалидизираните лица од „Порака наша“!

Еколошката секција од нашето училиште е во постојана акција. Поттикнати од наставничките по биологија Зденка Димиќ и Лидија Крстевска, учениците од 2 февруари континуирано се грижат за прехранување на птиците во зимски услови. На неколку места достапни за птиците, закачија мрежи со пченица, пченка, просо и др. за да можат птиците да ги преживеат тешките зимски услови. Напорите и грижата на учениците вродија со плод, птиците ја открија храната и ги испразнија вреќичките. Браво за наште екологисти!