Archives January 2017

По повод Месецот на книгата во Училиштето од страна на училишната библиотека „Фиданка“, беа организирани низа активности.Соработката со големата група од градинката „Ангел Шајче“, клон„Пчелка“ и оваа година продолжи со исто темпо. Учениците  ја посетија училишната библиотека и медијатека „Фиданка“. Дечињата беа многу љубопитни, се запознаа со значењето на книгата и на библиотеката, поставуваа разновидни прашања и даваа интересни одговори, а доживувањето со нив беше незаменливо.Беше направена и возвратна посета од литературната секција од ООУ„Кочо Рацин“, која им се претстави на учениците од колон „Пчелка“, со своите најдобри литературни творби. Децата од градинката беа воодушевени од посетата, а учениците-литерати уживаа во друштвото на најмалите кои ги почестија со неколку песнички и стихотворби. Училиштето учествуваше и во завршна манифестација организирана од градската библиотека „Тане Георгиевски“  во СОУ„Перо Наков“. На Манифестацијата беше наградена Симона Поповска , ученичка во 8-3 одд. која освои III место на општинскиот натпревар Млади библиотекари, под менторство на Ивана Ѓорѓиевска На конкурсот распишан од градската библиотека на тема „Читајќи растеме“, II место освои Сара Конин, а III место Сара Трифуновска, под менторсво на Маја Стојановска.

По повод Денот на дрвото 2016г., еко одборот од секоја паралека беше присутен во Училиштето. И покрај студеното и ветровито време, голем дел од учениците беа донеле и свои садници од дома. Училиштето, помогнато од локалната заедница набави и мали садници од чемперси. Целиот колектив, техничкиот персонал и учениците беа присутни на садењето, но и заштитата на малите и нежни садници. Сите беа добро засадени и покриени со пластични флаши кои ќе ги штитат од студот и мразот и од физичко оштетување. Доколку садниците се прифатат, испланирани се места за нивно пресадување.

Комисијата за прослава на Денот на Училиштето, оваа година предвиде неколку активности кои ќе се одвиват во текот на целата недела и секако започна со организација на Чист понедлник. Оваа активност се состоеше во чистење на дворот од отпад. Сите ученици од прва и втора смена, по големиот одмор во пластични вреќи го собираа отпадокот од нивната ужина, а беа расположени да ги соберат и отпадоците во секое делче на училишниот двор.Најмногу отпадок беше забележан и селектиран околу спортската сала и игралиштето. Врените раце на нашите ученици го собраа отпадокот и го селектираа во контејнерите наменети за хартија, пластика и друг вид на отпадок.