Завршна манифестација по повод Ден на Училиштето

По повод 25 ноември – Ден на училиште, подрачното училиште во с.Орашац беше домаќин на прославата по повод Патрониот празник на  училиштето ООУ „Кочо Рацин”. За подготовките околу прославата и приредбата активно учество зедоа сите наставници од подрачното училиште во с.Орашац. Културно – уметничкиот дел содржеше 11 точки, во кои беа опфатени сите ученици. Најмалите се претставија со рецитали, песнички и драматизации, додека поголемите со музички нумери „Две лири” и „Катюша”, изведба на сцени од „Бегалка” и „Зона Замфирова”, изведба на Пајдушко оро. Пред започнување со приредбата обраќање имаше директорката на  училиштето г-ѓа Лидија Пешевска. Се оддаде почит на патронот Кочо Рацин, се читаше реферат за неговите заслуги и достигнувања. На прославата беа присутни градоначалникот на општина Куманово г-динот Зоран Дамјановски, претставници од локална самоуправа, директори на основните училишта од градот, како и сите вработени од ООУ „Кочо Рацин”, родители, комшии.