Archives January 2017

Рачно изработени честитки, новогодишни колачиња, донација од слаткарница „Грими“, плетеници со имиња на штитениците и најважното- пријателска детска насмевка го исполни домот на „Порака наша“. Со радосни лица, расположени за дружба не дочекаа, разговара, се дружеа и се радуваа на нашите подароци. Прекрасни моменти поминети со прекрасни луѓе! Учениците беа воодушевени од комуникативноста и срдечноста на штитениците и договорија средби еднаш месечно со осмислени игри и забава. Вакви мигови го збогатуваат човечкиот дух. На сите од „Порака наша“, Ви посакуваме Среќна Нова 2017година!

На ден 21.12 2016 година се реализира посета на Планетариум и Природно научен музеј во Скопје. Оваа посета е планирана во Годишната програма на нашето училиште, во рамки на проектот „Заедничка грижа за правилно насочување на учениците“. Група од околу 150 ученици од осмо и шесто одделение, 5 родители и 6 наставници организирано со три автобуси успешно ја реализира посета. Одговорен наставници беа: Јасмина Петрушевска и Жаклина Пешевска, а наставници кои помогнаа во реализацијата беа: Далибор Јовановски, Катерина Костадинова, Зденка Димиќ и Анита Димовска. По завршување на претпладневната смена учениците заминаа за Скопје.
При посетата на Планетариумот учениците беа поделени во 3 групи. Тука се запознаа со вселената, Сончевиот  систем , нашата галактика Млечен пат и други астрономски поими. Свое излагање имаше стручно лице кое работи во планетариумот. Учениците на крајот поставија неколку прашања. Во текот на предавањето учениците не ги сокриваа своите воодушевувања и задоволство каде за првпат се срекаваат со визуелно претставување на вселената.
Потоа го посетија и Природно научниот музеј. Овдека учениците се запознаа со богатството на флора и фауна, ендемичните инсекти, растенија, риби и некои цицачи. Предавањето беше реализрано од дипломиран биолог. Тој ги запозна учениците со застапеноста на флората и фауната од најстариот период- архајската ера, па се до денес. Учениците во текот на предавањето поставуваа прашања за што добиваа соодветни одговори.
Секоја група наизменично ги посетуваше Музејот, Планетариумот, а имаа и 1 час време за прошетка во центарот на Скопје.Во 17 часот сите беа пред Училиштето, каде ги дочекаа школските автобуси.
Со оваа посета учениците ги проширија своите знаења од областа на географијата и биологијата,  беше зголемена мотивираноста за учење на овие предмети, но истовремено имаше и дружење,  кое е неопходно за подобрување на социјалниот и емоционалниот аспект кај учениците.
Одговорни наставнци беа:Јасмина Петрушевска и Жаклина Пешевска.

На ден 17.11.2016 г. со ученици од 7 и 9 одд. беше реализирана посета на Музеј на национална борба и Спомен куќа на Мајка Тереза. Целта на посетата беше учениците, наставниците и родителите преку заедничко дружење да се запознаат со историските настани од крајот на 19 и почеток на 20 век и да ја осознаат големата мисионерска улога на мајка Тереза.  Во посетата учествуваа 99 ученици, 4 наставници и 5 родители.
Во двата музеја водичите преку едночасовна презентација ги отсликаа настаните поврзани со овој историски период. Сите учесници беа многу внимателни и љубопитно слушаа за историските податоци. За време на посетата учениците беа многу заинтересирани и дисциплинирани и затоа беа пофалени од наставниците и родителите. По завршување на посетата сите безбедно се вратија дома со многу силни  впечатоци.Оддговорен наставник беше професорот по историја Дамир Ланг.

По повод 25 ноември – Ден на училиште, подрачното училиште во с.Орашац беше домаќин на прославата по повод Патрониот празник на  училиштето ООУ „Кочо Рацин”. За подготовките околу прославата и приредбата активно учество зедоа сите наставници од подрачното училиште во с.Орашац. Културно – уметничкиот дел содржеше 11 точки, во кои беа опфатени сите ученици. Најмалите се претставија со рецитали, песнички и драматизации, додека поголемите со музички нумери „Две лири” и „Катюша”, изведба на сцени од „Бегалка” и „Зона Замфирова”, изведба на Пајдушко оро. Пред започнување со приредбата обраќање имаше директорката на  училиштето г-ѓа Лидија Пешевска. Се оддаде почит на патронот Кочо Рацин, се читаше реферат за неговите заслуги и достигнувања. На прославата беа присутни градоначалникот на општина Куманово г-динот Зоран Дамјановски, претставници од локална самоуправа, директори на основните училишта од градот, како и сите вработени од ООУ „Кочо Рацин”, родители, комшии.

На 24.11.2016г. по повод Денот на Училиштето, беше реализирана работилница заедно со родители, ученици и наставници од партнер училиштето „Наим Фрашери“. На ликовната работилницата учествува најталентираните ученици и родители од нашето училиште од II-V одд. Оваа активност е дел о д проектот „Заедничка грижа за правилно насочување на учениците“ и МИО проект. Учителките Нина Јовановска и Милка Ивановска се погрижија за одличната организација. Родителите и учениците направија прекрасни ликовни дела на тема „Боите на есента“, кои се истакнати во холот на Училиштето. Голема благодарност за издвоеното време и за учеството во заедничката работилница!

По повод Денот на Училиштето, на 22.11.2016г. во медијатека беше организирано поетско творење. На творењето учествуваа најталентираните ученици од IV до IX одд., кои твореа на тема-Шепотот на есента.
Најталентираните ученици имаа чест да се дружат со писателите од Друштво на писатели на Куманово. Во многу пријатна атмосфера писателите им ги прочитаа своите лични творби, но им дадоа и многу корисни совети за творење и презентирање на сопствените творбите.
Со помош на писателите беа изберени и најдобрите творби од литературното творење и тоа во две категории:
IV, V и VI одд.
1 место Лука Христовски
2 место-Лука Перица
3 место-Коста Крстевски

VII, VIII и IX одд.
1 место Теодор Грујиќ
2 место Неда Арсениевска
3 место Симона Поповска

Писателите беа пријатно изненадени од талентираноста на нашите ученици и на библиотека „Фиданка“ подарија по една збирка поезија од нивните публицирани изданија.
Голема благодарност до Друштво на писатели на Куманово кои ни ги збогатија активностите организирани по повод Денот на Училиштето.

Заедно со учениците, наставниците и родителите од партнер училиштата ООУ„Кочо Рацин“ и ООУ„Наим Фрашери“, на 23 ноември во спортската сала на нашето училиште беше оддржан турнир во кошарка и шах. Победени и победници нема, сите добро се забавуваа и го дадоа својот придонес во реализација на оваа прекрасна спорска активност и сите заслужија пофалница. Браво за спортскиот дух кој секогаш ги зближува учениците, наставниците и родителите од двете партнер училишта.

По повод одбележувањето на Недела на стари лица, ученици од III-IX одд. им приредија мала приредба на старите лица и и се обидоа преку песни, игри и глума да ги развесели.Учествуваа ученици, членови на литературни секции, на драмска секција предводени од наставникот по македонски јазик Маја Стојановска и библиотекарот Ивана Ѓорѓиевска.

Со поетски творби и соодветни поетски слики, нашите ученици се вклучија во Circle of Peace & Friendship во светското здружение Global Youth Art. Учениците напишаа песни и нацртаа цртежи на тема за мир и пријателство. Прочитајте ги и погледнете ги! Прекрасни се!