Меѓународниот натпревар по англиски јазик HIPPO

Меѓународниот натпревар по англиски јазик HIPPO

Меѓународниот натпревар по англиски јазик HIPPO 2016 годинава се одржува по четврти пат на 21.03.2016 во повеќе европски држави: Италија, Словенија, Хрватска, Србија, Црна Гора, Бугарија, Босна и Херцеговина, Албанија и Македонија, и за прв пат во Русија и Романија. Натпреварот е во организација на Global Input и Global Hippo Association и поддржан е од страна на престижната британска издавачка куќа Pearson. Учениците може да се натпреваруваат во вкупно 5 категории, од кои само три категории се за учениците од четврто до деветто одделение, и тоа: HIPPO 1 (за ученици од IV, V и VI одделение), HIPPO 2 (за учениците од VII одделение) и HIPPO3 (за учениците од VIII и IX).

Минатата година учествуваа над 11 000 учесници од кои само 68 ученици учествуваа во финалето кое се одржа на 09. и10.05.2015 во Лидо ди Јесоло во Италија. Во финалето учествуваше и нашиот ученик Матеј Серафимовски од VI-3 паралелка под менторство на Анита Димовска, којшто со освоено 10-то место во својата HIPPO 1 категорија достојно го претстави нашето училиште и општина Куманово на меѓународно ниво.

Оваа година на натпреварот учествуваа 73 ученици од нашето училиште во три категории, и првиот круг од истиот беше беспрекорно реализиран на 05.03.2016 (сабота) во пет училници со вкупно шест наставници по англиски јазик кои беа одговорни за организацијата и реализацијата на натпреварот – Лидија Атанасовска, Соња Коцевска, Габриела Арсовска, Ивана Банчкоковска, Афродита Стојанова- Крстевска и Анита Димовска.

Вкупно 13 ученици се пласираа во полуфиналето на натпреварот кое ќе биде одржано на 02.04.2014 на државно ниво. Нашето е единствено општинско основно училиште од Општина Куманово кое учествува на натпреварот оваа година со забележителни резултати и вкупно 13 полуфиналисти. Полуфиналисти се четири ученици во HIPPO 1 категорија: Лука Томовски (V-1) под менторство на Афродита Стојанова-Крстевска, Теодор Марковски (VI-1), Тодор Петрушевски (VI-4) и Леонтин Илијевски (VI-1) под менторство на Соња Коцевска. Полуфиналисти во HIPPO 2 категорија се четири ученици: Анастазија Крстевска (VII-2), Никола Јордановски (VII-1), Дени Наковска (VII-3), и Анастасија Бошковска (VII-3) под менторство на Анита Димовска, додека полуфиналисти во HIPPO 3 категорија се Сара Конин (VIII-4) и Ива Петковиќ (VIII-4) под менторство на Ивана Банчоковска и Марта Бошковска (IX-4), Мила Андоновиќ (IX-1) и Драгана Дамјановска (IX-4) под менторство на Лидија Атанасовска. Финалето на натпреварот ќе биде одржано на 14 и 15 мај во Лидо ди Јесоло во Италија.

Координатор на натпреварот

Анита Димовска